السبت، 23 أغسطس 2008

لحد دلواقتى لسه ما كرهتش الدنيااااااااا

انا مش عارف هى ليه بتضيق كدا من كل ناحيه..!
بصوا انا مش كارهه الدنيا فعلا لكن قريب هكرهها
احنا لحد دلوقتى مستحملين بس لامتى ؟؟؟؟؟؟؟؟؟؟
اول شىء
انا عاوز انى مش بشرب دلوقتى الا نادرا
يمكن اكون بشرب شاى بلبن اكتر ما بشرب المياه
مش عارفة ميه الحنفية دى جاية منين ولا بيحطوا فيها ايه
الله_ لا_ يسامحهم
انا لما اجى اشرب غصب عنى بشم المية بقرف اشرب
ولوعطشانة جدا وعملت مش شامة حاجة بحس بطعمها مررر
هى المية دى جاية من ترعة مثلا ؟؟؟
دى لو جاية من ترعة مش هتبقى كدا برضه
مهو مستحيل تكون دى مية النيل اللى بتغنيلها ومزهقانا منها شيرين هانم
ومش ممكن يكونوا برضه مستكترين علي الشعب يشرب فبيسمموها !!!!!!!
مش كفاية مفيش عيش .. كمان المية؟!!!!!
انا عندى اعتقاد غريب وما غريب الا _ لا شوشو مبقاش غريب عننا خلاص دا واحد من الناس _
المهم انا بحس انهم بيجيبوا المية المستعملة _!!_ ويحللوها و يحلوها
و يرجعوها لاصلها ويبعتوها لنا فى الحنفيات تانى ( خيال علمى !)
بس كل شىء متوقع فى الزمن ده ومع الناس دى ..
انا نفسي افهم ايه المطلوب من الشعب .. يعمل ايه اكتر من اللى بيعمله
سرقة و بيسرق نهب وبينهب شحاته مفيش اكتر من كدا
نصب و احتيال وقايم بالواجب تمام التمام ... رغم ان فى فئة معينة احتكرت الكار ده لنفسها بس اهو موجود برضه
نعمل ايه تانى عشان نعيش كويس
واللى مش قادر يعمل كدا يعمل ايه ؟
ياريت كان الانتحار مش حرام كان فى ناس كتير هتلاقى حل لمشاكلها
خصوصا ان الايمان شح اليومين دول ومحدش بقى قادر يتحمل والوقوع فى الحرام اسهل من رغيف العيش
هو ده اللى هما عاوزينه ...
حسبى الله و نعم الوكيل فى اللى اخترناه اخترناه
فى رقبة مين ذنب مرضى الفشل الكلوى !!
يعنى ده لو رسيت على كدا بس ( خيال علمى برضه !)
ده واحد من مليون حاجة ممكن تخلينى اكره الدنيا
لكن هنتحمل انتظارا لوعد الرحمن الرحيم
كان معكم احمد راجح الذى راى
العذاب فى البعد عن اغلى
الناس ولكن لا
ياس
بِسْمِ اللّهِ الرَّحْمَنِ الرَّحِيمِ
فَإِنَّ مَعَ الْعُسْرِ يُسْرًا (5) إِنَّ مَعَ الْعُسْرِ يُسْرًا (6) .

ليست هناك تعليقات: